Princess' Diaries

princesscha

kanina na ata ang pinaka-matinding araw ko sa mrt. wala pang 7am nasa loob na ko ng station. after 2 hours, saka pa alng ako nakasakay ng tren. at yun e sa pamamagitan pa ng pakikipagbuno sa mga katabi ko. buti na lang malakas ang katawan ko.

sa mga ganitong pagkakataon, natutunan kong gumawa ng paraan para naman maaliw ako:

1. makibasa ng text message ng katabi mo. (ito ang isa sa mga libangan ko. posible to sa sobrang siksikan. one time, may nabasa ko na ganito ang sabi ng katext niya: "i wanna f*ck you baby. bi-video na talaga kita bukas, di pwedeng hindi." hahaha! hindi man lang tinago ang celphone niya e mukhang nakikipag-sex on phone siya.) malalaman mo sa way ng usapan nila kung boylet, friend or relatives yung katext.

2. makinig sa kwentuhan ng katabi mo, or kahit na sino dun na malalakas ang boses sa pakikipagkwentuhan. bago ka makarating sa pupuntahan mo, malalaman mo na life story niya.

3. murahin (pero sa isip mo lang) ang mrt management pag nagpapaakyat na sila ng ibang pasahero habang madami pang tao sa taas.

4. pakinggan ang mga naghuhuramentadong pasahero na galit na galit na dahil kanina pa silang di nakakasakay. pramis, nakakaaliw to!

5. panoodin ang mga nagtutulakang mga pasahero sa pagpasok sa tren. (pag di ka kasama sa nagtutulakan, nakakaaliw, pero pag isa ka sa kanila, parang gusto mong magwala.)

6. bilangin ang mga kasabay mo na mukhang di naligo (pag umaga).

sa mahigit dalawang taon ko ng pagco-commute sa mrt (cubao to ayala - ayala to cubao) nakabuo na din ako ng mga do's and don'ts sa pagsakay sa mrt lalo na sa nabanggit na mga estasyon:

a. (hanggat maaari) wag kang magsusuot ng high-heeled shoes. kawawa ang maapakan mo.

b. wag kang mag-chinelas (pag rush hour). una, masakit sa paa kapag naapakan ka. ikalawa, baka maiwanan mo lang chinelas mo.

c. (hanggat maari, pag rush hour) wag papasok na naka-make up or todo effort sa pagpapaganda. sayang lang ang effort mo. dadating ka din sa office na pawisan, magulo ang buhok at hulas ang make-up.

d. kung pwede lang, tuyuin muna ang basang buhok (mula sa paliligo) bago ka makipagsiksikan. hindi maganda sa pakiramdam ang basang buhok sa mukha (ng katabi mo).

e. huwag malikot sa pila. bawal ang masyadong malikot na kamay or katawan. nakakaistorbo na sa katabi, baka mapaaway ka pa.

f. bawal ang manulak pero matutong lumaban sa tulakan. parang self-defense lang. para hindi ka mabuwal sa kinatatayuan mo.

g. magdala ng panyo or pamaypay. or siguro twalya na para mas sigurado.

h. lalong lalo na sa umaga, wag kang makipag-usap sa katabi kung di rin lang napaka-importante. kahit nagtoothbrush ka pa, hindi maganda sa pakiramdam yung hinihingan ka sa mukha.

isa lang ang tanong ko: bakit ang mga lalaking pulis e sa unahang train nakikisakay? hindi naman sila babae, bata, matanda or may kapansanan..... pero baka nga may kapansanan sila!